Абдулла қажы: «Әруақтар — Алланың әскері»

Дін саласында көп жыл бойы еңбек етіп келе жатқан ғалым Абдулла Жолдасты танымайтын қазақ жоқ шығар. Бүгінде Алматыда тұрып жатқан ғалымның Шымкентке келгенін естіп, қаладағы бірқатар қалталы азаматтар көпшілікке арнайы дастархан жайып, ол кісімен арнайы сұқбат ұйымдастырған болатын. Мәуліт мерекесіне орай ұйымдастырылған салиқалы әңгіменің үзіндісін назарларыңызға ұсынып отырмыз.

Толық оқу

Құдық ішіндегі құдірет

Түркістан қаласынан 60 шақырымдай жерде жергілікті халық әулиелі мекен санайтын Укаша ата сахабаның зияраты және қасиетті құдығы бар. Келушілер Укаша сахабаның ұзындығы 20-25 метрдей ұзын қабірінің басына дұға жасаған соң, осы арадан 700-800 метрдей қашықтықта, тау басындағы құдыққа барып, тереңдігі 30 метрге дейін жететін құдыққа қауға тастайды. Ырым бойынша, әулиенің құдіретіне күмән келтірген немесе ой-пікірі теріс адамға құдық бір тамшы су бермейді. Ал ниеті таза, ықыласы күшті адамның шелегі құр қалмайды.

Толық оқу

Ұлылардың таңғажайып түстері Ол – ақиқат па, әлде аңыз ба?

Түстің мағынасы, оны жору сипаттары жөнінде фольклортанушы Ә.Диваев («Түстің баяны») пен ғалым Э.Б.Тайлор («Первобытная культура») жан-жақты зерттеу жүргізген болатын. Бұрын да, қазір де түстің мәнін ашуға ғылыми талпыныстар жасалғанымен, оның сыры толық ашылып отырған жоқ. Алайда «Пайғамбарлықтың қырық алтыдан бір нышаны» деп саналатын жақсы түс – болашақтың бағдары іспеттес. Оған тарихи ұлы тұлғалардың көрген түстерінің өңінде ақиқатқа айналуы нақты дәлел болар-лықтай…

Толық оқу

Жеті қат жер астынан жеткен дауыс

Оқымыстылардың пайымдауынша, Жер өзін мекендейтін бүкіл тіріжандылар, оның ішінде сіз бен біз сияқты, тіршілік етеді. Жер де кей-кейде тірі организм сияқты ауырсынып, күрсінеді, ашуланып, бұлқан-талқан болады.
Геологтар жазып алған тозақ үні

1980 жылдары бұрынғы Кеңес Одағында оқымысты-геологтар жерді 12 шақырым тереңдікке дейін бұрғылап, тозақтың тура үстінен түскені туралы естіп пе едіңіз? Естімесеңіз айтайық, кеңестік бұрғышылар скважинаға микрофон байлап түсіріп, тозақы болған миллиондаған адамдардың қорқынышты дауыстарын жазып алған. Жақында осы дыбысжазбаны біз де өз құлағымызбен естідік. Бұрғышылардың жеті қат жер астынан жазып алған даусынан шынымен де мил­лиондаған адамдардың қинала шыңғырып, шуласып жатқанын тап-таза естисіз. Еріксіз денеңіз түршігеді.

Толық оқу

Құмыра адамша сөйлей ме?

Құдайдың құдіреті күшті. Әйткенмен, алты ғасыр жер астында жатқан құмыра адамша сөйлеп кетеді дегенге сенесіз бе? Жоқ , ол Сүлеймен пайғамбардың жын қамаған сиқырлы көзесі емес. Кәдімгі , қарапайым қыш ыдыс. Бір қызығы, «тілін» тапсаң, сөйлемейтін нәрсе жоқ екен…»
Жаңа технологияның дамуымен бірге археология- тарих ғылым ерекше бағыт алып барады. Жақында Орал қаласында баспасөз мәслихатын өткізген археолог ғалымдар таңғажайып жаңалықты жария етті. Қазақстанда тұңғыш рет палеофонографиялық және стереофотограмметриялық технология әдісімен бұдан 670 жыл бұрын шыққан дауысты қайта есту мүмкін болған!
Еділ мен Жайық арасы — ортағасырлық Алтын Орда хандарының емін – еркін көшіп – қонған құтты қонысы. Батыс Қазақстан облысындағы Жаңақала ауданы аумағында жатқан Мұқыр (қазір Айдархан) қонысы археологтардың көзіне ертеден -ақ түскен Алтын Орданың дәуірлеген заманында,Өзбек пен Жәнібек хандардың билеген кезінде (1320-1350 жж) пайда болған қорымды оралдық археолог ғалымдар Ғ. Кушаев пен В. Железчиков 1974-1975 жылдары бастап зерттеп, екі жыл ішінде 17 қорғанды қазған екен. Сол қорғанның бірінен табылған құмыра қазір Дариян ауылындағы Шолохов музейінде сақтаулы тұр.

Толық оқу

Таңғажайып жаратылыс

Линза жасаудың хас шебері болған, ортағасырлық Антони Левенгук тұңғыш микроскопты ойлап тапқасын, қолына түскен заттың бәрін үлкейтіп көріп, қызығына батып жүреді. Ол сүйтіп микроәлемге алғаш рет жол салған еді. Күндердің күнінде Антони адамның жаратылысын да зерттеп көрмек болып, шаһуатты да шишаның астына алып қарайды. Мұндай кереметті күтпеген ол, шалқасынан түсе жаздайды….
Ол бір тамшы судың ішінде миллиондап өріп жүрген түр- тұрпаты ерекше, құйрықты «итбалықтарды» көріп таң – тамаша болған еді.Есін жиған соң, «микро- мақұлықтарға» «сперматозойд» деп ат береді.Мағынасы: «жануарға ұқсас ұрық». Микроптың сиқырлы шишасы дамыған сайын, ұсақ ұрықтың да бұрын- соңды беймәлім болып келген қызықты қыр- сырлары айқындала түсті…
Мәселен, ортағасырлық дәрігерлерге сперматазойд сақталатын «жұмыртқа» өте жұмбақ тұғын.Әркім әртүрлі болжам жасаған. «Медицинаның атасы» — Гиппократ, екі жұмыртқаны; «оң жақтағысы ер бала шығатын ұрықты сақтайды, сол жақтағысынан қыз бала жарық дүниеге жолдама алады» деп топшылапты…Алайда, медицина дамыған Ұлы Шебер Жаратушы Құдайдың адамды жасаған сыры ашыла түсіп, өз болмысымыз өзімізді таңғалдыра түсті.

Толық оқу

Сиқырлы су

Су – жер бетіндегі таңғажайып жаратылыс. Сусыз өмірімізді елестетудің өзі қорқынышты. Бірақ, біз суға қандай құпия жасырылғанын білеміз бе? Ол қашаннан бері бар? Бұл сұрақтардың жауабын судың өзінен іздеу керек шығар. Судың о бастағы мөлшері қандай болса, бүгінде сол қалпынан айныған емес. Бір қарасаң, су – сол баяғы біз білетін құрамы мен белгілері бар сұйық зат. Бірақ зерттеу нәтижелері тіпті керемет дүниелерді анықтады.
«Жер бетін қанша шарласаңыз да, су сияқты мөлдір, әрі иіңізге көне беретін жұмсақ зат таппайсыз. Бірақ су, өз жолында қандай қатты, әрі берік зат болса да, егеп, қашап, тесіп өтеді. Оны ешкімде өз ырқына бағындыра алмайды. Кез – келген қаттыны жеңіп кетеді. Жұмсақ болса да берік нәрсені өз ыңғайына көндіре алады. Мұны барлығы біледі, бірақ осылай әрекет етуге ешкімнің де жүрегі дауаламайды», — деп бұдан екі жарым мың жыл бұрын ғұмыр кешкен қытай ғұламасы Лао – Цзы жазған болатын. Енді бүгінгі әлемнің атақты ғалымдары не дейді?

Толық оқу

Жаратқан Гаитиді неге жылатты?

gaity

Себепсіз ештеңе жоқ. Өздігінен ештеңе пайда болмайды. Бүгінде көптеген елдер табиғи апаттар: жер сілкіну мен цунамиден зардап шегіп отыр. «Бұл не, Алланың шірік жасаған күнәһар адамдарға ес жиғызып, тәртіпке салу үшін тарттырған азабы ма?» деген сұрақтың кім-кімді де мазалары анық. Оңтүстік Шығыс Азия курорттарындағы белең алған азғындық, Таиландтағы әлемге әйгілі «секс-турлар», яғни ата-аналарының күнкөріс үшін бүлдіршін қыз балаларын жезөкшелікке өз қолымен байлап беруі сынды сұмдықтар текке кеткен жоқ.
Қасиетті Құранда айтылатындай, Алла Тағала ауыр күнәға салынған бұзақы елдердің кейбіреуін жерге жұтқызған, кейбіреуін топан суға қарық қылған. Мәселен, Лұт пайғамбар қауымының адам айтқысыз азғындық әрекеттері үшін алған жазасы қасиетті кітаптарда егжей-тегжейлі баяндалған.

Толық оқу

Бір ғалымды Аллаһтың бар екендігіне сендірген жеті себеп

Нью-Йорк ғылым академиясы төрағасының бірі болып қызмет еткен А. Гресси Моррисон (A.Gressy Morrison) өзінің ғылыми зерттеуінің нәтижесінде Аллаһтың бар екендігін мойындап, өзге де әріптестеріне Аллаһтың бар екендігіне сендіретін жеті себеп атты мақаласын жариялады. Гресси Моррисон: «Ғылым мен технология құдіретті Жаратушының заңдылықтарын біртіндеп ашуда. Ғылыми жетістіктер көбейген сайын Аллаһтың бар екендігі дәлелденіп, Оған сенуге мәжбүр болудамыз. Мені мына жеті себеп Жаратушының бар екендігіне сендірді»,- деді.

Толық оқу